.::VULMSIT::.eNoxel `` toDay mY pOeTry cOllecTiOn``

Chaand ke saath ka_ii dard puraane nikale

Kitne gham the jo tere gham ke bahaane nikle

 

Fasl-e gul aa_ii phir ik baar asiiraan-e-vafaa

Apne hii khuun ke daryaa men nahaane nikle

 

Hijr ki chot ajab sang-shikan hotii hai

Dil kii befaiz zamiinon se khazaane nikle

 

Umr guzrii hai shab-e-taar men aankhen malte

Kis ufaq se meraa khurshiid na jaane nikle

 

Kuu-e-qaatil men chale jaise shahiidon kaa juluus

Khvaab yuun bhiigtii aankhon ko sajaane nikle

 

Dil ne ik iint se taamiir kiyaa taaj mahal

Tuu ne ik baat kahii laakh fasaane nikle

 

Dasht-e tanhaa_ii-e-hijraan men khadaa sochataa huun

Haaye kyaa log meraa saath nibhaane nikle

 

Main ne AMJAD use bevaastaa dekhaa hii nahiin

Vo to khushbuu men bhii aahat ke bahaane nikle

-----------------------------------------------------

maayuus to huuN vaade se tere kuchh aas nahiiN kuchh aas bhii hai
main ap'ne KhayaaloN ke sad'qe tuu paas nahiiN aur paas bhii hai

ham'ne to Khushii maaNgii thii magar jo tuune diyaa achchhaa hii diyaa
jis Gham ko taa'alluq ho tujh'se wo raas nahiiN aur raas bhii hai

pal'koN pe laraj'te ashkoN meN tasviir jhalak'tii hai terii
diidaar kii pyaasii aaNkhoN ko ab pyaas nahiiN aur pyaas bhii hai

-----------------------------------------------------

chaand maddham hai aasmaaN chup hai
neeNd ki god meiN jahaaN chup hai

door vaadi meiN doodhiyaa baadal
jhuk ke parbat ko pyaar karte haiN
dil meiN naakaam hasrateiN lekar
ham tera intezaar karte haiN

in bahaaroN ke saaye meiN aa jaa
phir muhabbat javaaN rahe na rahe
zindagii tere naamuraadoN par
kal talak meharbaaN rahe na rahe

roz ki tarah aaj bhi taare
subah ki gard meiN na kho jaayeiN
aa tire Gham meiN jaagtii aaNkheiN
kam se kam ek raat so jaayeiN

chaand maddham hai aasmaaN chup hai
neend ki god meiN jahaaN chup hai

--

 
 
 
     
 

Phr Yaad-e-Khuda Se Ghafil Iss Duniya Ki Hawass Mein
 

Iss Mukhtasir Si Zindgi Ka Ik Aor Din Beet Gaya...!!!
 

                 <<<<<<<<<< sAd pAncHi >>>>>>>>>>
 
 

--
Virtual University of Pakistan*** IT n CS Blog
================================
http://www.geniusweb.tk
 
http://itncs.tk
 
 
You received this message because you are subscribed to the Google
Groups "vulms" group.
To post to this group, send email to vulmsit@googlegroups.com
To unsubscribe from this group, send email to
vulmsit+unsubscribe@googlegroups.com
For more options, visit this group at
http://groups.google.com/group/vulmsit?hl=en?hl=en