.::VULMSIT::.eNoxel Urdu Nazm

تمھیں میں نے  کہا بھی تھا  کہ اتنی دور مت  جاؤ  جہاں جاتے  ابابیلوں کے پر جھڑنے لگیں  خوشبو اڑے تو  راستوں کی دھول ہو جاے  کبوتر وصل کا  پیغام دینے کو اڑیں  اور دور جاتی  کشتیوں کے بادباں  ان کے پروں کو  نوچ لیں !  میں نے کہا بھی  تھا.....!  کہ اتنی دور مت  جاؤ  اگر جانا ضروری  ہے  تو موسم کو ذرا  کروٹ بدلنے دو  ابھی تو سردیوں  کی آتشیں رت ہے  کہ جب دن  مختصر ، راتیں بہت لمبی ، سحر نا مہرباں  شامیں بڑی بے  کیف ہوتی ہیں  ہوا میں برف کے  گالوں کی صورت تیرتی یادیں  دبے پاؤں  دریچے کھول کر  کمرے میں آتی ہیں  دہکتے کوئلوں  پر کسمساتی راکھ سے سرگوشیاں کرتی ہیں  دیواروں پہ ساے  خواب ہوتے  منظروں میں ڈھلنے لگتے ہیں  تو تنہائ بڑی  تنہا سی لگتی ہے  تمھیں میں نے  کہا بھی تھا....!  کہ اتنی دور مت  جاؤ  مگر تم کو نہ  جانے کیا جنوں تھا  کون سی دھن تھی  تمھیں شاید  سمندر کی ہوائیں  ساحلوں کی ریت  یا شاید جزیروں  کی مہکتی چاندنی  یا روشنی کے  شہر کی آشفتگی آواز دیتی تھی  مگر یوں تو  نہیں....!  تم نے مجھے  شاید بتایا تھا  کہ میں ماحول  کی یکسانیت سے تھک گئی ہوں  اک نئی دنیا،  نئے چہروں  نئے ماحول کی  آسودگی مجھ کو بلاتی ہے  جہاں تم بھی  نہیں ہو گے  اور اب میں بھی  نہیں ہوں  اک نئی دنیا،  نئے چہروں  نئے ماحول کی  آسودگی بھی ہے  مگر تم نے یہ  کیا لکھا  کہ ڈھلتی رات  کے پچھلے پہر کی  مضمحل سی ، نیم  آسودہ سی گھڑیوں میں  دبے پاؤں حریم  خواب میں آتا ہوں  اور اک بے کلی  سی چھوڑ جاتا ہوں  یہ سب کیا ہے   ؟  کہ تم تو  دھڑکنوں کے معنی و مفہوم پر تقریر کرتی  سوچ کی تفسیر  لکھتی ہو  کبھی ہنگامہ  ہاے زیست سے فرصت ملے تو غور کرنا  اور مجھے لکھنا  کہ جب کچھ  منظروں کو بھول جانے کے لئے  ہم اپنی آنکھیں  نوچ کر  اندھے کنویں  میں پھینک دیتے ہیں  بہت ہی میل  خوردہ ، غیر مستعمل کپڑوں کی طرح  جن کو کسی سیلن  زدہ کمرے میں  یوںہی ڈھیر کر  دیتے ہیں  لیکن رت بدلتی  ہے  تو صندوقوں میں  سوئی تہ بہ تہ کافور کی خوشبو  بڑی مانوس لگتی  ہے  کسی اندھے  کنویں سے جھانکتی آنکھیں  بہت سے منظروں  میں ڈھلنے لگتی ہیں  یہ سب کیا ہے    ؟  کبھی ہنگامہ  ہاے زیست سے فرصت ملے  تو غور کرنا  اور مجھے لکھنا  .........!     عرفان صدیقی

 

 

 

The One & Only .......... IRFAN.

Italy.

http://groups.yahoo.com/group/p_se_poetry

 

--
Virtual University of Pakistan*** IT n CS Blog
================================
http://www.geniusweb.tk
 
http://itncs.tk
 
 
You received this message because you are subscribed to the Google
Groups "vulms" group.
To post to this group, send email to vulmsit@googlegroups.com
To unsubscribe from this group, send email to
vulmsit+unsubscribe@googlegroups.com
For more options, visit this group at
http://groups.google.com/group/vulmsit?hl=en?hl=en